ანტიკორუფციული მოძრაობის წევრებმა, მეცნიერებმა და პრაქტიკოსებმა – იურისტებმა: მალხაზ ბაძაღუამ, გიორგი თოდრიამ, ოთარ კვაჭაძემ, გიორგი ღლონტმა, მანანა ხვედელიძემ, სერგო უზარაშვილმა, ჯემალ გაბელიამ, ნანა ლომაიამ, ლიანა ბიბილაშვილმა, მაია მოსიძემ, მიხეილ ბაძაღუამ

2001 წლის 28 ივნისს არასამეწარმეო იურიდიული პირის სახით დააფუძნეს „დანაშაულობის კვლევისა და პროგნოზირების ცენტრი. დაარსების დღიდან ცენტრის მეცნიერ–კონსულტანტია, პროფესორი რომან შენგელია.

ცენტრის მიზნები და ამოცანები:

• საქართველოში სამართლებრივი რეფორმების პირობებში დამოუკიდებლად დანაშაულობის მიზეზების, თავიდან აცილებისა და პროგნოზირების სამეცნიერო–კვლევითი საქმიანობა;
• მოსახლეობის მართლშეგნების დონის ამაღლება;
• დანაშაულობის თავიდან აცილების მიზნით სამოქალაქო საზოგადოების გააქტიურებისათვის ღონისძიებების შემუშავება;
• სამეცნერო, პედაგოგიური, საგამომცებლო საქმიანობა;
• ცენტრი მიზნად ისახავს ასევე სხვა სახის საქმიანობს განხორციელებას, რომელიც არ ეწინააღმდეგება საქართველოს მოქმედ კანონმდებლობას, რომელიც პირდაპირ ან არაპირდაპირ ემსახურება სახელმწიფო ინტერესებს.

ცენტრის საქმიანობის ფორმები:

• სამეცნიერო კონფერენციებისა და პრაქტიკული სემინარების, სპეციალური ტრენინგების ჩატარება ადგილობრივი და საერთასორისო ექსპერტ–სპეციალისტების მონაწილეობით;
• სოციოლოგიური გამოკვლევების ჩატარება;
• მონოგრაფიული გამოკვლევებისა და სამეცნიერო ჟურნალების გამოცემა;
• სამთავრობო, არასამთავრობო და საერთაშორისო ორგანიზაციებთან თანამშრომლობა და ერთობლივი პროექტების განხორციელება; კვალფიკაციის კურსების ორგანიზება;
• მონაცემთა საინფორმაციო ბაზის შექმნა.
• სამართლის სფეროში სამთავრობო, არასამთავრობო ორგანიზაციებისათვისა და კერძო პირებისათვის კონსულტაციის გაწევა.

• ცენტრის მმართველობის ორგანოა – გამგეობა-სამეცნიერო საბჭო, რომელიც შედგება დირექტორის, კოორდინატორებისა და სწავლული მდივნისაგან.

ასევე სტრუქტურაში გათვალისწინებულია საზოგადოებრივ საწყისებზე და ხელშეკრულებებზე მეცნიერ–კონსულტანტების, ექსპერტებისა და ასისტენტების ინსტიტუტი.