2023 წლის 22 მაისს გრიგოლ რობაქიძის სახელობის უნივერსიტეტში და იმავე დღეს საქართველოს ტექნიკურ უნივერსიტეტში, საქართველოს კრიმინოლოგიის მეცნიერებათა აკადემიის თაოსნობით გაიმართა ამერიკის კრიმინოლოგიის საზოგადოების აღმასრულებელი დირექტორის, საქართველოს კრიმინოლოგიის მეცნიერებათა აკადემიის საპატიო აკადემიკოსის, ნებრასკსა უნივერსიტეტის პროფესორ კრის ესკრიჯის საჯარო ლექციები, თემაზე:
„დანაშაული და მართლმსაჯულება, კრიმინოლოგიის ზეგავლენის გაძლიერება 21-ე საუკუნეში“
საჯარო ლექცია-დისკუსიებს უძღვებოდა საქართველოს კრიმინოლოგიის მეცნიერებათა აკადემიის პრეზიდენტი, პროფესორი მალხაზ ბაძაღუა.
ლექციების ირგვლივ დისკუსიებში მონაწილეობა მიიღეს საქართველოს კრიმინოლოგიის მეცნიერებათა აკადემიის წევრებმა, შესაბამისი უნივერსიტეტების პროფესორ-მკვლევარებმა და სტუდენტებმა.
შესაბამისად გრიგოლ რობაქიძის სახელობის უნივერსიტეტის რექტორმა, საქართველოს კრიმინოლოგიის მეცნიერებათა აკადემიის აკადემიკოსმა, პროფესორმა მამუკა თავხელიძემ და საქართველოს ტექნიკური უნივერსიტეტის წარმომადგენლობითი საბჭოს თავმჯდომარემ, საქართველოს კრიმინოლოგიის მეცნიერებათა აკადემიის აკადემიკოსმა, პროფესორმა ჯემალ გახოკიძემ მადლობა გადაუხადეს ამერიკელ მეცნიერს საინტერესო და აქტუალურ თემაზე საჯარო ლექცია-დისკუსიის წარმართვისათვის.
