დანაშაულობის კვლევისა და პროგნოზირების ცენტრი

2017 წლის 10 იანვარს ივანე ჯავახიშვილის სახელობის თბილისის სახელმწიფო უნივერსიტეტში ივანე ჯავახიშვილის ალბომის პრეზენტაცია გაიმართა.
ალბომში შესულია კორნელი კეკელიძის სახელობის საქართველოს ხელნაწერთა ეროვნულ ცენტრში დაცული ივანე ჯავახიშვილის პირადი საარქივო ფონდის მასალა, რომელიც მოიცავს სამართლისა და ეკონომიკის ტერმინებს. ტერმინები შედგენილია ივანე ჯავახიშვილის მიერ ისტორიულ საბუთებზე, წყაროებზე და ხელნაწერებზე დაყრდნობით. გამოცემა მიეძღვნა ივანე ჯავახიშვილის დაბადებიდან 140 წლის იუბილეს. პროექტი განხორციელდა ივანე ჯავახიშვილის სახელობის თბილისის სახელმწიფო უნივერსიტეტისა და კორნელი კეკელიძის სახელობის საქართველოს ხელნაწერთა ეროვნული ცენტრის მიერ.

2016 წელს საქართველოს პრეზიდენტის სარეზერვო ფონდის ხელშეწყობით, გრიგოლ რობაქიძის სახელობის უნივერსიტეტის კრიმინოლოგიის სამეცნიერო–კვლევით ინსტიტუტში, დანაშაულობის კვლევისა და პროგნოზირები ცენტრთან თანამშრომლობით განხორციელებული პროექტის „კრიმინოლოგიის ძირითად ტერმინთა განმარტებები ინგლისული და რუსული შესატყვისებით“ რომლის, ავტორია იურიდიულ მეცნიერებათა დოქტორი, პროფესორი მალხაზ ბაძაღუა, მეორე გამცემა განხორციელდა გრიგოლ რობაქიძის სახელობის უნივერსიტეტის ფინანსური მხარაჭერით, რომელშიც  გათვალისწინებულია პირველ გამოცემაში არსებული ტექნიკური და ტექსტური ხასიათის ხარვეზები,  განხორციელებულია შესწორებები, ცვლილებები და დამატებები, თანამედროვე კრიმინოლოგიაში გამოყებენულ ტერმინებთან დაკავშირებით.