დანაშაულობის კვლევისა და პროგნოზირების ცენტრი

2018 წლის 27 დეკემბერს გაიმართა საქართველოს კრიმინოლოგიის მეცნიერებათა აკადემიის წლის შემაჯამებელი სხდომა. აკადემიის საქმიანობის წლიური ანგარიშით წარსდგა აკადემიის დამფუძნებელი - პრეზიდენტი, პროფესორი მალხაზ ბაძაღუა.

ანგარიშის ირგვლივ აზრი გამოთქვეს აკადემიის წევრებმა, პროფესორებმა: თეიმურაზ ბერიძემ, მანანა ხვედელიძემ, თეიმურაზ ფაჩულიამ, გელა ხუციშვილმა, თეიმურაზ მურღულიამ, მიხეილ მამნიაშვილმა, გიმზერ ალანიამ, ავთანდილ ხაზალიამ, დავით გუგავამ.

სხდომაზე აკადემიის წევრის დამადასტურებელი დიპლომები გადაეცათ, პროფესორებს: ზურაბ ხონელიძეს, გიორგი თოდრიას, თიმურაზ მურღულიას, თეიმურაზ ფაჩულიას, თეიმურაზ ბერიძეს, მიხეილ მამნიაშვილს, გელა ხუციშვილს, გიმზერ ალანიას, ვეფხვია გვარამიას, მანანა ხვედელიძეს, ავთანდილ ხაზალიას, დავით გუგავას, ირაკლი გაბისონიასა და ჯემალ გაბელიას. საქართველოს კირმინოლოგიის მეცნიერებათა აკადემიის საპატიო წევრის-საპატიო აკადემიკოსის დიპლომი გადაეცა ცნობილ ექიმსა და საზოგადო მოღვაწეს ვლადიმერ (ლადო) კახაძეს.

2018 წლის  25 დეკემბერს საქართველოს პარლამენტის იურიდიულ საკითხთა კომიტეტის ინიციატივით და საქართველოს განათლების, მეცნიერების, კულტურისა და სპორტის სამინისტროს მხარდაჭერით გამოცხადებულ კონკურსში თემაზე  ,,პარლამენტი შენი მეგობარი’’ ,  რომელიც ითვალისწინებდა მოსწავლეებისა და სტუდენტების მხრიდან საინტერესო საკაონმდებლო ინიციატივისა და კანონპროექტის  მომზადებას გრ. რობაქიძის სახელობის უნივერსიტეტის სამართლის მაგისტრატურის პროგრამის სტუდენტს - მერი მაისურაძეს, უნივერსიტეტის სამართლისა და კრიმინოლოგიის სამეცნიერო-კვლევითი ინსტიტუტის სტაჟიორს, საქართველოს კრიმინოლოგიის მეცნიერებათა აკადემიის დანაშაულობის კვლევისა და პროგნოზირების ინსტიტუტის მკვლევარს , ნაშრომის - ,,საქართველოს სისხლის სამართლის კოდექსში ცვლილების შეტანის თაობაზე (180¹ მუხლის ,,ქონების მოტყუებით დაუფლება’’ დამატება)’’ წარდგენისათვის გადაეცა სიგელი.