დანაშაულობის კვლევისა და პროგნოზირების ცენტრი

85 წლის ასაკში გარდაიცვალა საქართველოს კრიმინოლოგიის მეცნიერებათა აკადემიის საპატიო წევრი-საპატიო აკადემიკოსი, საერთაშორისო სამეცნიერო-პრაქტიკულ ჟურნალ „კრიმინოლოგი“-ს სარედაქციო კოლეგიის წევრი, ამერიკის კრიმინოლოგიის და მსოფლიო ვიქტიმოლოგიური საზოგადოებების წევრი, მეცნიერების დამსახურებული მოღვაწე, იურიდიულ მეცნიერებათა დოქტორი, პროფესორი ვიტალი კვაშისი.

პროფესორმა ვიტალი კვაშისმა თავისი ცხოვრების ხანგრძლივი პერიოდი მიუძღვნა კრიმინოლოგიის მეცნიერების განვითარებას. მისი ავტორობით სხვადასხვა ენებზე გამოცემულია სამართლისა და კრიმინოლოგიის არაერთი საერთაშორისო მნიშვნელობის მონოგრაფიული კვლევა და სახელმძღვანელო. იგი აქტიურად თანამშრომლობდა საქართველოს კრიმინოლოგიის მეცნიერებათა აკადემიასთან. 2019 და 2020 წლებში პროფესორი მოხსენებით წარსდგა ქალაქ თბილისში გამართულ პირველ და მეორე საერთაშორისო სამეცნიერო კონპერენციებზე. მისი სამეცნიერო კვლევები გამოქვეყნებულია საერთაშორისო სამეცნიერო-პრაქტიკულ ჟურნალ „კრიმინოლოგი“-ს მე-15 და მე-16 ნომრებში.

პროფესორ ვიტალი კვაშისის ნათელი ხსოვნა სამუდამოდ დარჩებათ მის მეგობრებსა და კოლეგებს.

საქართველოს კრიმინოლოგიის მეცნიერებათა აკადემია