2026 წლის, 28 ივლისს, 15:00 საათზე, გრიგოლ რობაქიძის სახელობის უნივერსიტეტში გაიმართება ჟურნალ „კრიმინოლოგის“ მე- 18 ნომრის წარდგენა, რომელშიც გამოქვეყნებულია საქართველოს მეცნიერებათა აკადემიის წევრ-კორესპოდენტ, პროფესორ თინათინ წერეთლის ხსოვნისადმი მიძღვნილი მე-5 საერთაშორისო-სამეცნიერო კონფერენციის „აკადემიური საზოგადოება ტრანსნაციონალური ორგანიზებული დანაშაულის წინააღმდეგ“ მასალები.

კონფერენცია ჩატარებული იქნა საქართველოს მეცნიერებათა ეროვნული აკადემიის, გაეროს ECOSOC-ის სპეციალური კონსულტანტის სტატუსის მქონე საქართველოს კრიმინოლოგიის მეცნიერებათა აკადემიისა და გრიგოლ რობაქიძის სახელობის უნივერსიტეტის ორგანიზებით.

2026 წლის, 9 ივლისის, საქართველოს კრიმინოლოგიის მეცნიერებათა აკადემიის დამფუძნებელი-პრეზიდენტის N93-ე გადაწყვეტილებით, აკადემიის წესდებიის თანახმად დაწესდა აკადემიის დროშა.

2026 წლის 26 ივნისს ნარკომანიასთან და ნარკოტიკების უკანანო ბრუნვასთან ბრძოლის საერთაშორისო დღეს მიეძღვნა საქართველოს ტექნიკური უნივერსიტეტის სამართლისა და საერთაშორისო ურთიერთობების ფაკლუტეტზე გამართული საერთაშორისო სამეცნიერო - პრაქტიკული კონფერენცია „საერთაშორისო ნარკოვითარება და საქართველოში არსებული გამოწვევები“.

საქართველოს კრიმინოლოგიის მეცნიერებათა აკადემიის ეგიდით გამოვიდა, საჯარო მმართველობის დოქტორის, გრიგოლ რობაქიძის უნივერსიტეტის პროფესორის, საქართველოს კრიმინოლოგიის მეცნიერებათა აკადემიის ნამდვილი წევრის-აკადემიკოსის დავით სუჯაშვილის წიგნი „დავინახე, ვესაუბრე, გავაგონე“.

წიგნის რედაქტორია, ისტორიის მეცნიერებათა დოქტორი, საგანგებო და სრულ უფლებიანი ელჩი, საქართველოს კრიმინოლოგიის მეცნიერებათა აკადემიის ნამდვილი წევრი-აკადემიკოსი თედო ჯაფარიძე.

2025 წლის 9 ოქტომბრიდან 2026 წლის 9 თებერვლის ჩათვლით საქართველოს კრიმინოლოგიის მეცნიერებათა აკადემიასა და გრიგოლ რობაქიძის უნივერსიტეტის სამართლისა და კრიმინოლოგიის სამეცნიერო-კვლევით ინსტიტუტში, პროფესორ მალხაზ ბაძაღუას ხელმძღვანელობით,  სპეციალური გეგმით, სამართლის, პროფესიული ეთიკისა და კრიმინოლოგიის მიმართულებით, სტაჟირება წარმატებით გაიარა უნივერსიტეტის სამართლის სკოლის სტუდენტმა ნიკა გოჩიტაშვილმა.

2026 წლის 16 აპრილს, გრიგოლ რობაქიძის სახელობის უნივერსიტეტში გაიმართა საქართველოს მეცნიერებათა ეროვნული აკადემიის ინოვაციებისა და მაღალი ტექნოლოგიების ცენტრისა და უნივერსიტეტის აკადემიური კომიტეტის ერთობლივი ღია სხდომა, რომელიც მიეძღვნა უნივერსიტეტის მიერ, აკადემიკოს თინათინ სადუნიშვილის ავტორობით გამოცემული წიგნის - გიორგი კვესიტაძის ბიოორგანული ტექნოლოგიები - განხილვას.

ერთობლივი სხდომა გახსნა და უძღვებოდა წიგნის რედაქტორი, საქართველოს კრიმინოლოგიის მეცნიერებათა აკადემიის პრეზიდენტი, საქართველოს მეცნიერებათა ეროვნული აკადემიის მიმართულების ხელმძღვანელი, უნივერსიტეტის სამართლისა და კრიმინოლოგიის სამეცნიერო-კვლევითი ინსტიტუტის დირექტორი, პროფესორი მალხაზ ბაძაღუა.