დანაშაულობის კვლევისა და პროგნოზირების ცენტრი

2023 წლის 30 ნოემბერს აფხაზეთის განათლებისა და კულტურის სამინისტროსა და საქართველოს კრიმინოლოგიის მეცნიერებათა აკადემიას შორის ურთიერთთანამშრომლობის მემორანდუმი გაფორმდა.

ურთიერთთანამშრომლობის მემორანდუმს ხელი მოაწერეს აფხაზეთის განათლებისა და კულტურის მინისტრმა ნანა გაბელიამ და საქართველოს კრიმინოლოგიის მეცნიერებათა აკადემიის პრეზიდენტმა, პროფესორმა მალხაზ ბაძაღუამ.

მემორანდუმის ფარგლებში, აფხაზეთიდან დევნილი ახალგაზრდა მეცნიერებისთვის, სტუდენტებისა და მოსწავლეებისათვის მხარეები ერთობლივად შეიმუშავებენ და განახორციელებენ სხვადასხვა სახის სამეცნიერო-კვლევით და საგანმანათლებლო პროექტებს, ფორუმებს, კონფერენციებს, სემინარებს, შეხვედრებს, საჯარო განხილვებსა და სხვა საინტერესო აქტივობებს.

ხელმოწერას ესწრებოდნენ და აზრი გამოთქვეს საქართველოს კრიმინოლოგიის მეცნოერებათა აკადემიის აკადემიკოსებმა, პროფესორებმა: რომან შენგელიამ, თეიმურაზ ფაჩულიამ, დავით გუგავამ, და აკადემიის საზოგადოებასთან ურთიერთობის კოორდინატორმა მედეა ბაძაღუა-სანაიამ, აფხაზეთის განათლებისა და კულტურის მინისტრის პირველი მოადგილემ ზვიად ბულისკერიამ დ ა სამინისტროს წარმომადგენლმა, დოქტორმა სოფიო დემეტრაშვილმა.