დანაშაულობის კვლევისა და პროგნოზირების ცენტრი

2024 წლის 25 სექტემბერს მარტვილის რაიონში ჭყონდიდელობის საეკლესიო-სახალხო დღესასწაულის ფარგლებში, მარტვილის ყოვლადწმინდა ღვთისმშობლის მიძინების საკათედრო ტაძარში წმინდა გიორგი ჭყონდიდელ-მწიგნობართუხუცესის ხსენების დღესთან დაკავშირებით წირვას უძღვებოდა ჭყონდიდელი მიტროპოლიტი სტეფანე (კალაიჯიშვილი) და მიტროპოლიტი სერაფიმე (ჯოჯუა). წირვას ესწრებოდა ეკლესიის მრევლი, სახელმწიფო და საზოგადო მოღვაწეები, ასევე წმინდა გიორგი ჭყონდიდელის სახელობის აკადემიის თანადამფუძნებელი, საქართველოს კრიმინოლოგიის მეცნიერებათა აკადემიის პრეზიდენტი, პროფესორი მალხაზ ბაძაღუა.

საეკლესიო დღესასწაულთან დაკავშირებით ეკლესიის მრევლის მონაწილეობით გაიმართა ტრაპეზი. მოხდა წმინდა გიორგი ჭყონდიდელის სახელობის აკადემიის ჟურნალ „აკადემიის მოამბის“ მესამე ნომრის საზოგადოებისათვის წარდგენა.