დანაშაულობის კვლევისა და პროგნოზირების ცენტრი

2024 წლის 13 ივნისს საქართველოს მეცნიერებათა აკადემიის წევრ - კორესპონდენტ, პროფესორ თინათინ წერეთლის ხსოვნას მიეძღვნა, მისი გამორჩეული მოწაფის, აკადემიკოს მინდია უგრეხელიძის თაოსნობით და პროფესორ ბექა ქანთარიას ორგანიზებით საბურთალოს საზოგადო მოღვაწეთა პანთეონში გამოჩენილი მეცნიერ - იურისტების, თინათინ წერეთლისა და მისი მეუღლის ვლადიმერ მაყაშვილის საფლავზე სამართლის დარგის, მეცნიერებისა და პედაგოგების შეკრება, ყვავილებითა და გვირგვინებით პატივის მიგება.

შეკრებილებმა გაიხსენეს ქართული სისხლის სამართლის ფუძემდებლისა და მისი მეუღლის მოღვაწეობა თბილისის სახელმწიფო უნივერსიტეტსა და ამჟამად მისი სახელობის სახელმწიფოსა და სამართლის ინსტიტუტში, ასევე გაიხსენეს მათთან პირადი ურთიერთობის ფაქტები. საქართველოს კრიმინოლოგიის მეცნიერებათა აკადემიის პრეზიდენტმა, პროფესორმა მალხაზ ბაძაღუამ გამოთქვა მოსაზრება, მომავალ წელს, თინათინ წერეთლის ხსოვნისადმი მიძღვნილი საერთაშორისო სამეცნიერო კონფერენციის ჩატარების თაობაზე.