დანაშაულობის კვლევისა და პროგნოზირების ცენტრი

2024 წლის 15 ივლისს საქართველოს პარლამენტში გაიმართა პარლამენტის განათლების, მეცნიერებისა და ახალგაზრდულ საქმეთა კომიტეტის თავმჯდომარესთან გივი მიქანაძესთან საქართველოს კრიმინოლოგიის მეცნიერებათა აკადემიის პრეზიდენტ, პროფესორ მალხაზ ბაძაღუას შეხვედრა.

შეხვედრაზე განიხილეს საქართველოში კრიმინოლოგიის მეცნიერების, განათლებისა და პრაქტიკის განვითარების საკითხები. გაეროს ეკონომიური და სოციალური საბჭოს სპეციალური კონსულტანტის სტატუსის მქონე საქართველოს კრიმინოლოგიის მეცნიერებათა აკადემიასთან ურთიერთობის სამომავლო გეგმები. შეხვედრა ორმხრივი თანამშრომლობის სულისკვეთებით წარიმართა.

საქართველოს კრიმინოლოგიის მეცნიერებათა აკადემიის პრეზიდენტმა, გრიგოლ რობაქიძის სახელობის უნივერსიტეტის სამართლისა და კრიმინოლოგიის საემცნიერო-კვლევითი ინსტიტუტის დირექტორმა, პროფესორმა მალხაზ ბაძაღუამ საქართველოს პარლამენტის განათლების მეცნიერებისა და ახალგაზრდულ საქმეთა კომიტეტის თავმჯდომარეს ბატონ გივი მიქანაძეს გადასცა აკადემიისა და უნივერსიტეტის მიერ გამოცემული ჟურნალები და სამეცნიერო ლიტერატურა.