2024 წლის 20 თებერვალს გაიმართა გაეროს ეკონომიკური და სოციალური საბჭოს მიერ

გენერალური ასამბლეის 72/305 რეზოლუციის განხორციელების ონლაინ განხილვა.

1. გენერალური ასამბლეის რეზოლუციების: 67/290 –„მდგრადი განვითარების მაღალი დონის პოლიტიკური ფორუმის ფორმატისა და ორგანიზაციული ასპექტების შესახებ“და 70/ 299 – „გლობალურ დონეზე მდგრადი განვითარების 2030 წლის დღის წესრიგის შემდგომი მიმოხილვის შესახებ“ განხორციელების განხილვა.
2. მდგრადი განვითარების მაღალი დონის პოლიტიკური ფორუმი შესახებ.

2023 წლის 22 დეკემბერს გრიგოლ რობაქიძის სახელობის უნივერსიტეტის სამართლისა და კრიმინოლოგიის სამეცნიერო-კვლევითი ინსტიტუტის პროფესორ გელა ბანელაძის სახელობის „პროფესიული განვითარების ცენტრში“, უნივერსიტეტის სამართლისა და კრიმინოლოგიის კვლევითი ინსტიტუტის მიერ გაეროს ეკონომიური და სოციალური საბჭოს (ECOSOC) სპეციალური კონსულტანტის სტატუსის ორგანიზაცია საქართველოს კრიმინოლოგიის მეცნიერებათა აკადემიის მხარდაჭერით საუნივერსიტეტო პროექტის ფარგლებში გაიმართა სტუდენტთა სამეცნიერო კონფერენცია: „თავისუფლება და პასუხისმგებლობა სტუდენტთა ეთიკის კონტექსტში“. კონფერენციის მუშაობაში მონაწილეობა მიიღეს უნივერსიტეტის სტუდენტებმა, აკადემიურმა პერსონალმა და ადმინისტრაციის წარმომადგენლებმა, საქართველოს კრიმინოლოგიის მეცნიერებათა აკადემიის წევრებმა.

გამოიცა საქართველოს კრიმინოლოგიის მეცნიერებათა აკადემიის საპატიო მეგობრის, საქართველოს მეცნიერებათა ეროვნული აკადემიის აკადემიკოს თამაზ შილაკაძის ნაშრომი „კრიმინოლოგია საგზაო-სატრანსპორტო კომუნიკაციაში“.

საქართველოს კრიმინოლოგიის მეცნიერებათა აკადემია ულოცავს კრიმინოლოგიის პრობლემებით დაინტერესებულ საზოგადოებას ახალი მიმართულების ჩამოყალიბებას, რისთვისაც მადლობას მოახსენებს ბატონ თამაზ შილაკაძეს.

2023 წლის 12 დეკემბერს გრიგოლ რობაქიძის სახელობის უნივერსიტეტის სამართლისა და კრიმინოლოგიის სამეცნიერო-კვლევითი ინსტიტუტის პროფესორ გელა ბანძელაძის სახელობის პროფესიული განვითარების ცენტრში გაიმართა პროექტის „თავისუფლება და პასუხისმგებლობა სტუდენტური ეთიკის კონტექსტში“, რომლის ხელმძღვანელია სამართლის სკოლის სტუდენტი ნიკოლოზ ნაჭყებია, მონაწილე სტუდენტების შეხვედრა გრიგოლ რობაქიძის სახელობის უნივერსიტეტის რექტორთან, პროფესორ მამუკა თავხელიძესთან და საქართველოს კრიმინოლოგიის მეცნიერებათა აკადემიის პრეზიდენტთან, უნივერსიტეტის სამართლისა და კრიმინოლოგიის სამეცნიერო-კვლევითი ინსტიტუტის ხელმძღვანელთან, პროფესორ მალხაზ ბაძაღუასთან, რომელიც არის პროექტის კონსულტანტი და იდეის ავტორი. შეხვედრაზე განიხილეს, პროექტის ფარგლებში განსახორციელებელი აქტივობები მათ შორის „უნივერსიტეტის სტუდენტის ეთიკის კოდექსი“-ს პროექტი. პროექტის მონაწილეები ემზადებიან სტუდენტური კონფერენციის ჩასატარებლად.