ძვირფასო საქართველოს რესპუბლიკის კოლეგებო,

მსოფლიოში დაახლოებით 40 ეროვნული და საერთაშორისო სამეცნიერო კრიმინოლოგიური ასოციაცია არსებობს. მე მოვახერხე სტუმრობა თითქმის ყველა ამ ორგანიზაციაში. მათ შორის მქონდა საშუალება, რომ ვწვეოდი საქართველოს კრიმინოლოგიის მეცნიერებათა აკადემიას, მის წევრებს. ამ ორგანიზაციაში ჩართული პირები ცდილობენ გაზარდონ და გააფართოვონ ცოდნის ბაზა ჩვენს სფეროში და ეს ინფორმაცია ფართოდ გაავრცელონ. მათ დააარსეს ჟურნალი, ამჟამად ორგანიზაციას აქვს გაერთიანებული ერების ორგანიზაციის ნარკოტიკებისა და დანაშაულის ოფისში, კონსულტანტის სტატუსი.  მომავალ წელს გეგმავენ საერთაშორისო კონფერენციის გამართვას საქართველოში, რომელიც ფოკუსირებული იქნება ორგანიზებულ დანაშაულობაზე. ეს ძალიან მნიშვნელოვანი მოვლენაა.

2024 წლის 24 ივლისს გრიგოლ რობაქიძის სახელობის უნივერსიტეტში ჩატარდა საქართველოს კრიმინოლოგიის მეცნიერებათა აკადემიის სამეცნიერო-საკონსულტაციო საბჭოს სხდომა, რომელმაც განიხილა აკადემიის პრეზიდენტის, უნივერსიტეტის სამართლისა და კრიმინოლოგიის სამეცნიერო -კვლევითი ინსტიტუტის დირექტორის, პროფესორ მალხაზ ბაძაღუას მოხსენება „საქართველოში კრიმინოლოგიის მეცნიერების განვითარების პერსპექტივები და რეკომენდაციები“ დაისვა საკითხები:

2024 წლის 15 ივლისს საქართველოს პარლამენტში გაიმართა პარლამენტის განათლების, მეცნიერებისა და ახალგაზრდულ საქმეთა კომიტეტის თავმჯდომარესთან გივი მიქანაძესთან საქართველოს კრიმინოლოგიის მეცნიერებათა აკადემიის პრეზიდენტ, პროფესორ მალხაზ ბაძაღუას შეხვედრა.

2024 წლის 6 ივლისს ილია ჭავწავაძის საგურამოს სახელმწიფო მუზეუმში გაიმართა მე-20 საუკუნის ქართული მწერლობის ოთხმოციანელთა თაობის გამორჩეული წარმომადგენლის, პოეტის, დრამატურგისა და მთარგმნელის 28 წლის ასაკში ტრაგიკულად ოჯახთან ერთად გარდაცვლილი თამაზ ბაძაღუას წიგნის „ორი ნოველის“ პრეზენტაცია, რომელიც მიეძღვნა მისი დაბადაებიდან 65-ე წლისთავს.

ცნობილმა საგამომცემლო სახლმა Generis Publishing-მა, რომლის ბეჭდვითი პროდუქცია ვრცელდება პრაქტიკულად მთელ მსოფლიოში, მათ შორის ისეთი კომპანიების მეშვეობით, როგორებიცაა Amazon markets, Octavia Books, Walmart, Wellesley Books და ა.შ., 2024 წელს გამოსცა საქართველოს კრიმინოლოგიის მეცნიერებათა აკადემიის აკადემიკოს, ეკონომიკის მეცნიერებათა დოქტორის, თბილისის სახელმწიფო უნივერსიტეტის პროფესორის თეიმურაზ ბერიძის ინგლისურენოვანი მონოგრაფია „ეკონომიკური კვლევების ანთოლოგია“ – „Anthology of Economic Studies“. ნაშრომი მკითხველს აცნობს საქართველოს დამოუკიდებლობის მოპოვების შემდეგ საბაზრო ეკონომიკის პრინციპებზე შემდგარი თანამედროვე ეკონომიკის გარდამავალი პერიოდის თავისებურებებს, განხორციელებული რეფორმების შინაარსსა და სირთულეებს, პრობლემების დაძლევის გზებს და მიღწეულ შედეგებს.

2024 წლის 11 ივნისს გრიგოლ რობაქიძის სახელობის უნივერსიტეტში გაიმართა წარდგენა:

-         სტუდენტთა კონფერენციისადმი მიძღვნილი ჟურნალ „კრიმინოლოგის“ N17 დამატება N2 - ის;

-         გრიგოლ რობაქიძის უნივერსიტეტის სტუდენტის ეთიკის კოდექსის.

2023 წლის 22 დეკემბერს უნივერსიტეტში სამართლისა და კრიმინოლოგიის სამეცნიერო-კვლევითი ინსტიტუტის, პროფესორ გელა ბანძელაძის სახელობის „პროფესიული ეთიკის ცენტრში“ გაეროს ეკონომიკური და სოციალური საბჭოს (ECOSOC) სპეციალური კონსულტატის სტატუსის მქონე საქართველოს კრიმინოლოგიის მეცნიერებათა აკადემიის მხარდაჭერით, საუნივერსიტეტო პროექტის ფარგლებში განხორციელდა სტუდენტური კონფერენცია „თავისუფლება და პასუხისმგებლობა სტუდენტის ეთიკის კონტექსტში“. სტუდენტთა ჯგუფმა წარმოადგინა მათ მიერ მომზადებული მოხსენებები და სოციალური კვლევა, აღნიშნული ნაშრომების საფუძველზე გამოიცა, საერთაშორისო სამეცნიერო-პრქტიკული ჟურნალი „კრიმინოლოგის“ N17 დამატება N2.

2024 წლის 13 ივნისს საქართველოს მეცნიერებათა აკადემიის წევრ - კორესპონდენტ, პროფესორ თინათინ წერეთლის ხსოვნას მიეძღვნა, მისი გამორჩეული მოწაფის, აკადემიკოს მინდია უგრეხელიძის თაოსნობით და პროფესორ ბექა ქანთარიას ორგანიზებით საბურთალოს საზოგადო მოღვაწეთა პანთეონში გამოჩენილი მეცნიერ - იურისტების, თინათინ წერეთლისა და მისი მეუღლის ვლადიმერ მაყაშვილის საფლავზე სამართლის დარგის, მეცნიერებისა და პედაგოგების შეკრება, ყვავილებითა და გვირგვინებით პატივის მიგება.