სოხუმის სახელმწიფო უნივერსიტეტმა 2018 წლის 29-30 ნოემბერს თბილისში, სასტუმრო „ჰუალინგ“-ში ჩაატარა საერთაშორისო სამეცნიერო კონფერენცია “გენოციდის დანაშაულისა და ადამიანის უფლებათა დაცვის აქტუალური პრობლემები”

რომელიც მიეძღვნა ადამიანის უფლებათა დაცვის საყოველთაო დეკლარაციის, გენოციდის დანაშაულის თავიდან აცილებისა და დასჯის კონვენციის 70-ე, სისხლის სამართლის საერთაშორისო სასამართლოს რომის წესდების მიღების მე-20 წლისთავს.

2018 წლის 25 ოქტომბერს საქართველოს მეცნიერებათა ეროვნული აკადემიასა და საქართველოს კრიმინოლოგიის მეცნიერებათა აკადემიას შორის გაფორმდა ურთიერთთანამშრომლობის მემორანდუმი.

მემორანდუმს ხელი მოაწერეს საქართველოს მეცნიერებათა ეროვნული აკადემიის პრეზიდენტმა, აკადემიკოსმა გიორგი კვესიტაძემ და საქართველოს კრიმინოლოგიის მეცნიერებათა აკადემიის პრეზიდენტმა, პროფესორმა მალხაზ ბაძაღუამ.

2018 წლის 23 ოქტომბერს გაიმართა საქართველოს კრიმინოლოგიის მეცნიერებათა აკადემიის სამეცნიერო-საკონსულტაციო საბჭოს პირველი სხდომა.

სხდომას ხელმძღვანელობდნენ აკადემიის დამფუძნებელი პრეზიდენტი, პროფესორი მალხაზ ბაძაღუა და სამეცნიერო-საკონსულტაციო საბჭოს თავმჯდომარე, პროფესორი რომან შენგელია.

აკადემიის წევრებმა წუთიერი დუმილით პატივი მიაგეს ახლახან გარდაცვლილ აკადემიის საპატიო წევრის, თადარიგის პოლკოვნიკ ოთარ კვაჭაძის ხსოვნას.

განხილული იქნა დღის წესრიგით განსაზღვრული საკითხები:

1. აკადემიის სტრუქტურა;
2. აკადემიის წევრისა და საპატიო წევრის დიპლომის ნიმუშები;
3. საქართველოს მეცნიერებათა ეროვნულ აკადემიასთან გასაფორმებელი მემორანდუმის პროექტი;
4. საქარველოს შინაგან საქმეთა სამინისტროს დაარსებიდან 100 წლის იუბილესთან დაკავშირებული ერთობლივი სამეცნიერო კონფერენციის საორგანიზაციო საკითხი;
5. 2019 წლის აპრილის თვეში საერთაშორისო ფორუმის „კრიმინოლოგიის ადგილი მეცნიერებთა სისტემაში“ საორგანიზაციო საკითხი;
6. აკადემიისათვის გაერთიანებული ერების ორგანიზაციის კონსულტატის სტასუსის მოპოვების საკითხი;

სხდომას ესწრებოდნენ და მოსაზრებები გამოთქვეს აკადემიის წევრებმა:

დავით გუგავამ, გიმზერ ალანიამ, გიორგი თოდრიამ, მანანა ხვედელიძემ, თეიმურაზ ბერიძემ, მაია ნადარეიშვილმა, მიხეილ ბაძაღუამ, ავთანდილ ხაჟალიამ, ჯემალ გახოკიძემ, მამუკა თავხელიძემ, სალომე კაპანაძემ.

აკადემიის საპატიო წევრებმა: გურამ გვეტაძემ და ვლადიმერ (ლადო) კახაძემ.

სხდომის მონაწილეებმა გარკვეული კორექტირებით მოიწონეს დღის წესრიგით განხილული საკითხები.

2018 წლის 5 სექტემბერს საქართველოს კრიმინოლოგიის მეცნიერებათა აკადემიაში გაიმართა შეხვედრა პროფესორ-მასწავლებლებთან და მეცნიერ-მკვლევარებთან. შეხვედრას  უძღვებოდა აკადემიის პრეზიდენტი, პროფესორი მალხაზ ბაძაღუა, რომელმაც წარმოადგინა აკადემიის მიერ განხორციელებული და განსახორციელებელი საკითხები, სტრატეგიული ხედვები, აღნიშნა ამერიკის კრიმინოლოგიური საზოგადოების მხრიდან გამოქვეყნებულ საქართველოს კრიმინოლოგიის მეცნიერებათა აკადემიის მხარდამჭერ საინფორმაციო მასალაზე და დასმწრე საზოგადოებას, უმაღლესი საგანმანათლებლო დაწესებულებებსა და სამეცნიერო-კვლევით ინსტიტუტებს, პროფესორ-მასწავლებლებს და  მეცნიერ-მკვლევარებს მოუწოდა თანამშრომლობისაკენ.

2017 წლის დეკემბერში გრიგოლ რობაქიძის უნივერსიტეტის სამართლისა და კრიმინოლოგიის სამეცნიერო-კვლევითი ინსტიტუტის დირექტორის, პროფესორ მალხაზ ბაძაღუას ინიციატივით დაფუძნდა საქართველოს კრიმინოლოგიის მეცნიერებათა აკადემია. ამერიკის კრიმინოლოგიის საზოგადოებამ (ASC) რომელიც ჩართული იყი ამ პროცესში მისი აღმასრულკებელი დირექტორის, პროფესორ კრის ესკრიჯის ხელმძღვანელობით მხარი დაუჭირა აღნიშნულ წამოწყებას და თავის საინფორმაციო ჟურნალში, რომელიც ელექტორნული და ბეჭვდითი სახით ვრცელდება საერთაშორისო მასშტაბით, გამოაქვეყნა პროფესორ მალხაზ ბაძაღუას ინფორმაცია აკადემიი დაარსების, მისი ამოცანებისა და საერთაშორისო თანამშრომლობის პერსპექტივების შესახებ, კრიმინოლოგიური პრობლემებით დაინტერესებული საზღვარგარეთის ქვეყნების მეცნიერ-მკვლევარებთან თანამშრომლობის მიზნით.

On December 27, 2017, together with higher education institutions, scientists and practical criminologists established the Criminology Academy of Sciences of Georgia and thus, have joined the big family of criminology. It aims at promoting:

- To establish criminology as an independent science in Georgia, it’s development and international integration;

- To carry out scientific and educational projects in criminology and its encouragement;

- To implement the cooperation with international and foreign countries’ criminalistics organizations in order to carry out scientific practical projects, conferences , symposia, periodical publications and some other activities.

The academy is ready for cooperation with corresponding organizations, welcomes respectfully authoritative organizations, will consider the recommendations, wishes, and viewpoints in further activity.

The founder of the Academy, President

Doctor of Law, Professor Malkhaz Badzaghua

2017 წლის 27 დეკემბერს მეცნიერი და პრაქტიკოსი კრიმინოლოგების მიერ უმაღლესი საგანმანათლებლო დაწესებულებების ჩართულობით დაარსდა და უერთდება კრიმინოლოგიის დიდ ოჯახს საქართველოს კრიმინოლოგიის მეცნიერებათა აკადემია, რომლის მიზანია ხელი შეუწყოს:

-საქართველოში კრიმინოლოგიის დამოუკიდებელ მეცნიერებად ჩამოყალიბებას, განვითარებასა და საერთაშორისო ინტეგრაციას;

-კრიმინოლოგიაში საგანმანათლებლო და სამეცნიერო პროექტების განხორციელებასა და წახალისებას;

-საერთაშორისო და საზღვარგარეთის ქვეყნების კრიმინოლოგიურ ორგანიზაციებთან თანამშრომლობით სამეცნიერო პრაქტიკული პროექტების, კონფერენციების, სიმპოზიუმების, პერიოდული გამოცემებისა და სხვა აქტივობის განხორციელებას.

საქართველოს კრიმინოლოგიის მეცნიერებათა აკადემია მისი მიზნებიდან და ამოცანებიდან გამომდინარე მზად არის შესაბამისი პროფილის ორგანიზაციებთან ურთიერთთანამშრომლობისთვის, მიესალმება და პატივად მიიღებს ავტორიტეტულ ორგანიზაციების შედეგზე ორიენტირებულ ყველა რეკომენდაციას, სურვილს, მოსაზრებას და გაითვალისწინებს მას შემდგომ საქმიანობაში.

საქართველოს კრიმინოლოგიის მეცნიერებათა აკადემიის დამფუძნებელი-პრეზიდენტი

სამართლის დოქტორი, პროფესორი მალხაზ ბაძაღუა