2017 წლის 27 დეკემბერს მეცნიერი და პრაქტიკოსი კრიმინოლოგების მიერ უმაღლესი საგანმანათლებლო დაწესებულებების ჩართულობით დაარსდა და უერთდება კრიმინოლოგიის დიდ ოჯახს საქართველოს კრიმინოლოგიის მეცნიერებათა აკადემია, რომლის მიზანია ხელი შეუწყოს:

-საქართველოში კრიმინოლოგიის დამოუკიდებელ მეცნიერებად ჩამოყალიბებას, განვითარებასა და საერთაშორისო ინტეგრაციას;

-კრიმინოლოგიაში საგანმანათლებლო და სამეცნიერო პროექტების განხორციელებასა და წახალისებას;

-საერთაშორისო და საზღვარგარეთის ქვეყნების კრიმინოლოგიურ ორგანიზაციებთან თანამშრომლობით სამეცნიერო პრაქტიკული პროექტების, კონფერენციების, სიმპოზიუმების, პერიოდული გამოცემებისა და სხვა აქტივობის განხორციელებას.

საქართველოს კრიმინოლოგიის მეცნიერებათა აკადემია მისი მიზნებიდან და ამოცანებიდან გამომდინარე მზად არის შესაბამისი პროფილის ორგანიზაციებთან ურთიერთთანამშრომლობისთვის, მიესალმება და პატივად მიიღებს ავტორიტეტულ ორგანიზაციების შედეგზე ორიენტირებულ ყველა რეკომენდაციას, სურვილს, მოსაზრებას და გაითვალისწინებს მას შემდგომ საქმიანობაში.

საქართველოს კრიმინოლოგიის მეცნიერებათა აკადემიის დამფუძნებელი-პრეზიდენტი

სამართლის დოქტორი, პროფესორი მალხაზ ბაძაღუა

2018 წლის 18 მაისს სოხუმის სახელმწიფო უნივერსიტეტში გაიმართა უნივერსიტეტსა და საქართველოს კრიმინოლოგიის მეცნიერებათა აკადემიას შორის ურთიერთთანამშრომლობის მემორანდუმის გაფორმება და პროფესორ მალხაზ ბაძაღუას სახემძღვანელოს „პროფესიული ეთიკის საფუძვლები“ წარდგენა, რომელიც გამოიცა საქართველოს პრეზიდენტის სარეზერვო ფონდის მხარდაჭერით, გრიგოლ რობაქიძის სახელობის უნივერსიტეტის კრიმინოლოგიის სამეცნიერო - კვლევით ინსტიტუტში, საქართველოს ტექნიკურ და სოხუმის სახელმწიფო უნივერსიტეტებთან და ა.(ა) ი.პ დანაშაულობის კვლევისა და პროგნოზირების ცენტრთან თანამშრომლობით. .მემორანდუმს ხელი მოაწერეს უნივერსიტეტის რექტორმა, საგანგებო და სრულუფლებიანმა ელჩმა, პროფესორმა ზურაბ ხონელიძემ და აკადემიის პრეზიდენტმა, პროფესორმა მალხაზ ბაძაღუამ.

საქართველოს პრეზიდენტის სარეზერვო ფონდის მხარდაჭერით განხორციელებული პროექტის პროფესიული ეთიკის განვითარების ფარგლებში, გრიგოლ რობაქიძის სახელობის უნივერისტეტის ბათუმის წარმომადგენლობაში, 2018 წლის 2-3 მარტს ჩატარდა სპეციალური სასწავლო კურსი, პროფესიული ეთიკა, საჯარო - სამართალდამცავ და სპეციალურ სამსახურებში. აქვე გაიმართა პროფესორ მალხაზ ბაძაღუას წიგნის პროფესიული ეთიკის საფუძვლები წარდგენა, რომელშიც მონაწილეობა მიიღეს აჭარის ავტონომიური რესპუბლიკის ქალაქ ბათუმის, ქედის, ხულო, ხელვაჩაურის რაიონების მუნიციპალიტეტის საკრებულოსა და მერიის საჯარო მოსამსახურეებმა, უნივერსიტეტის ბათუმის წარმომადგენლობის პროფესორ-მასწავლებლებმა.

2018 წლის 24 თებერვალს გრიგოლ რობაქიძის სახელობის უნივერსიტეტში გაიმართა საქართველოს პრეზიდენტის სარეზერვო ფონდის მხარდაჭრით, გრიგოლ რობაქიძის სახელობის უნივერსიტეტის კრიმინოლოგიის სამეცნიერეო–კვლევით ინსტიტუტში, საქართველოს ტექნიკური უნივერსიტეტის სამართლისა და საერთაშორისო ურთიერთობების ფაკულტეტთან და  ა.(ა).ი.პ. დანაშაულობის კვლევისა და პროგნოზირების ცენტრთნ თნამშრომლობით განხორციელებული პროექტ „პროფესიული ეთიკის განვითარების’’ ფარგლებში, მოქმედი პროფესიული ეთიკის განვითარების ცენტრისთვის პროფესორ გელა ბანძელაძის სახელის მინიჭების ცენერემონიალი, პროფესორ მალხაზ ბაძაღუას წიგნის „პროფესიული ეთიკის საფუძვლები’’ წარდგენა და პროექტის შეჯამება.

სტუდენტური კონფერენცია თემაზე :

„კრიმინოლოგია – დანაშაულობის შემსწავლელი მეცნიერება“

2017 წლის 24 იანვარს გრიგოლ რობაქიძის სახელობის უნივერსიტეტში კრიმინოლოგიის სამეცნიერო – კვლევითი ინსტიტუტის ორგანიზებით, გელა ბანძელაძის სახელობის პროფესიული ეთიკის ცენტრში გაიმართა სტუდენტური კონფერენცია თემაზე: „კრიმინოლოგია – დანაშაულობის შემსწავლელი მეცნიერება“.

2017 წლის 22 დეკემბერს გრიგოლ რობაქიძის სახელობის უნივერსიტეტის ატრიუმში გაიმართა ჟურნალ „კრიმინოლოგის“ N1 (11–12) გამოცემიდან 10 წლის საიუბილეო ნომრის წარდგენა, რომელიც მიეძღვნა ცნობილი კრიმინოლოგების, პროფესორების ზაურ წულაიასა და ანზორ გაბიანის ხსოვნას, ინსტიტუტისა და ცენტრის მიერ განხორციელებულ პროექტებს და ცალკეულ ავტორთა პროფესორების რომან შენგელიას, გურამ ნაჭყებიას, კრის ესკრიჯის, მალხაზ ბაძაღუას, მიხეილ ბაძაღუას, ჯემალ გაბელიას და დოქტორანტ დავით სუჯაშვილის სამეცნიერო შრომებს. შინაგან საქმეთა ორგანოების დამსახურებულის მუშაკების ოთარ კვაჭაძის და რევაზ ჭანტურიას ლიტერატურულ ნარკვევებს პროფესიულ თემებზე.

რუბრიკით “ახალი წიგნი“ გამოქვეყნებულია პროფესორ გიორგი ღლონტის წერილი, პროფესორ ეკა ბესელიას წიგნზე “ძალადობის მსხვერპლთა უფლებების დაცვის პრობლემა საქართველოში“.