საქართველოს კრიმინოლოგიის მეცნიერებათა აკადემიის სახელით გულითადად ვულოცავთ დაბადების დღეს და საქართველოს იუსტიციის მინისტრის სპეციალურ მრჩევლად დანიშვნას, საერთაშორისო მნიშვნელობის სამართალმცოდნეს და საზოგადო მოღვაწეს, აკადემიის ნამდვილ წევრს, პროფესორ მინდია უგრეხელიძეს უსურვებთ ჯანმრთელობასა და კეთილდღეობას.

საქართველოს კრიმინოლოგიის მეცნიერებათა აკადემიის პრეზიდენტი, პროფესორი მალხაზ ბაძაღუა

სხდომამ განიხილა შემდეგი საკითხები:

1. საქართველოში უკანასკნელ წლებში გამოცემული „კრიმინოლოგიის“ სახელმძღვანელოების შესახებ. (მომხსენებლები: დავით გუგავა, მალხაზ ბაძაღუა);
2. საქართველოს კრიმინოლოგიის მეცნიერებათა აკადემიის წესდებაში ცვლილებებზე პროექტი. (მომხსენებლები: თამარ ჩიკვილაძე, დავით გუგავა);
3. დანაშულობის კვლევისა და პროგნოზირების ცენტრის დაარსებიდან 20 წლის იუბილის აღნიშვნის შესახებ. (მომხსენებელი მალხაზ ბაძაღუა);
4. საქართელოს კრიმინოლოგიის მეცნიერებათა აკადემიის სამკერდე ნიშნის დაწესების შესახებ. (მომხსენებელი მალხაზ ბაძაღუა)

სხდომას თავმჯდომარეობდა აკადემიის პრეზიდენტი, პროფესორი მალხაზ ბაძაღუა. ესწრებოდნენ და საკითხების განხილვაში მონაწილეობდნენ, აკადემიის წევრები, პროფესორები: მინდია უგრეხელიძე, რომან შენგელია, ავთანდილ ხაზალია, დავით გუგავა.

2021 წლის 14 მარტს ქართული სისხლის სამართლის სკოლის ფუძემდებლის პროფესორ თინათინ წერეთლის მოწაფეს და საქმის ღირსეულ გამგრძელებელს, ახალგაზრდა იურისტთა თაობების აღზმრდელსა და მოამაგეს, პროფესორ ოთარ გამყრელიძეს 89 წელი შეუსრულდა.

2021 წლის 19 თებერვალს საქართველოს მეცნიერებათა ეროვნულ აკადემიაში გაიმართა საქართველოს კრიმინოლოგიის მეცნიერებათა აკადემიის საანგარიშო კრება, ასევე ჟურნალ “კრიმინოლოგის“ მე-13 ნომრისა და აკადემიის წევრის, პროფესორ დავით სუჯაშვილის წიგნების: “მართვის საფუძვლები სპეციალურ სამსახურებში“ და “კარიერული წინსვლის გზამკვლევი“ პრეზენტაცია.

საქართველოს კრიმინოლოგიის მეცნიერებათა აკადემიის საანგარიშო კრებაზე ანგარიშით წარსდგა აკადემიის პრეზიდენტი, პროფესორი მალხაზ ბაძაღუა, მანვე დამსწრე საზოგადოებას წარუდგინა კადემიის წევრის, პროფესორ დავით სუჯაშვილის წიგნები “მართვის საფუძვლები სპეციალურ სამსახურებში“ და “კარიერული წინსვლის გზამკვლევი“.

Dear Professor Badzagua, dear Malkhaz,

Thank you very much for your kind information about awarding us both the Honorary Academician titles - the honorary membership of the Georgian Academy of Criminology Sciences. It is a great distinction for us, which we see not only as recognition of our personal research activity, but also as demonstration of exceptional cooperation, including academic and scientific, between Poland and the European Union - on the one hand, and Georgia - on the other. We are looking forward to the opportunity to work together on many research activities in areas such as international law, international human rights law, ensuring international security and preventing and combating international crime, as well as in the field of promoting democracy and international stability.

Yours faithfully,

Elżbieta Karska, Ph.D. - Professor of Cardinal Stefan Wyszyński University in Warsaw, Poland

Karol Karski, Ph.D. - Professor of the University of Warsaw, Poland

2020 წლის 24 დეკემბერს გრიგოლ რობაქიძის სახელობის უნივერსიტეტში ჩატარდა საჯარო ონლაინ ლექცია დოკუმენტური ფილმის ჩვენებით -„ჩინეთის სახალხო რესპუბლიკის პრაქტიკა ტერორიზმთან ბრძოლაში, სინძიან-უიგურის ავტონომიური ოლქის მაგალითზე“. აღნიშნული პროექტის ავტორია სინძიანის უნივერსიტეტის ექპერტ-კონსულტანტი, გრიგოლ რობაქიძის სახელობის უნივერსიტეტის სამართლისა და კრიმინოლოგიის სამეცნიერო-კვლევითი ინსტიტუტის ტერორიზმის კვლევის ცენტრის დირექტორი, ასოცირებული პროფესორი ბადრი ნაჭყებია. პროექტი განხორციელდა გრიგოლ რობაქიძის სახელობის უნივერსიტეტის სამართლისა და კრიმინოლოგიის სამეცნიერო-კვლევით ინსტიტუტში, საქართველოს კრიმინოლოგიის მეცნიერებათა აკადემიასთან თანამშრომლობით და საქართველოში ჩინეთის სახალხო რესპუბლიკის მხარდაჭერით.